မင်္ဂလာပါရှင်။
ဒီတစ်ပတ် စားကြမယ်ကွဲ့ကောင်းကောင်း အစီအစဉ်အတွက် ထမင်းနဲလေးထိုးထားပါတယ်ရှင်။အလည်လာသူတွေအားလုံးထမင်းနဲလေးသုံးဆောင်သွားကြပါဦးနော်။ :D
အခုမှ ထမင်းနဲထိုးပြီးသွားတယ်လေ။ဗိုက်ကဆာနေပြီ ၊ ဒါပေမယ့်ပို့စ်အရင်တင်ချင်လို့ မစားနိုင်သေးပဲ ဓါတ်ပုံအရင်ရိုက်ပြီး အလည်လာသူတွေအားလုံးကို ထမနဲနဲ့ ဧည့်ခံလိုက်ပါတယ်နော်။ :P
ဗိုက်ဆာနေပြီမို့ ..စားပြီး ၊ သောက်ပြီးမှပဲ ထမင်းနဲထိုးပုံလေးကို အောက်ဖက်မှာ ထည့်ရေးထားလိုက်ပါမယ်နော်။ :P
အခု မအားသေးလို့..တာ့တာ
လိုအပ်တဲ့ ပစ္စည်းလေးတွေကတော့...
ထမင်းနဲထိုးနည်း...
-ပုံမှာပြထားတဲ့ အတိုင်း ပထမဆုံး ဂျင်းလေးကိုပါးပါးလှီးထားရပါမယ်။
-အုန်းသီးက မြန်မာပြည်မှာဆိုရင် အပြားကြီးကြီးလေးတွေ စိတ်ထည့်တာနော်၊ ဒီမှာက၀ယ်လို့မရလို့ အုန်းနို့ အရည်ဘူးတွေကို ထည့်ပါတယ်ရှင်။ဒါပေမယ့် ကျမ မနေ့တုန်းက အာရှဆိုင်သွားတော့ အုန်းသီးခြစ်ထားတဲ့ အဖတ်လေးတွေ တွေ့လို့ ၀ယ်လာခဲ့ပါတယ်။
-ပြီးတော့ မြေပဲလှော်ပြီးသားလေးရယ် တို့ကိုအသင့်လုပ်ထားရမယ်နော်။
- နောက်ထပ်လိုတာက နှမ်းလေးနည်းနည်း ၊ သကြား ၁ ဇွန်းလောက် ၊ဆား အနည်းငယ် နဲ့ ကောက်ညှင်းဆန် နို့ဆီဘူး တစ်လုံးခန့်တို့ ဖြစ်ပါတယ်ရှင်။ ( ဟီး.. ကျမက တစ်ခါစားစာ လောက်ပဲ ထမင်းနဲထိုးစားလို့ ဆန်က အဲဒီလောက်ပဲ လိုတာနော်။) :P
........................................
-ပထမဆုံး ကောက်ညှင်းဆန်လေးကို ရေကြိုစိမ်ထားရပါမယ်ရှင်။ ၁ နာရီအကြာလောက် ရေကြိုစိမ်ထားပြီးရင် ၊ ကောက်ညှင်းကို ရေပြန်စစ်ထားရပါမယ်။
-ဒယ်အိုးထဲမှာ ဆီကို နဲနဲများများ ( မခန့်မှန်းတတ်ဘူးရယ်၊ :P ၂ကျပ်ခွဲသားလောက်ရှိမယ်ထင်ပါတယ်။)ထည့်ပြီး ဆီပူလာတာနဲ့ ပါးပါးလှီးထားတဲ့ ဂျင်းလေးတွေကို ထည့်ကြော်ရပါတယ်။
-ဂျင်းလေးနဲနဲ နွမ်းလာတာနဲ့ ရေစစ်ထားတဲ့ ကောက်ညှင်းဆန်တွေကိုပါ ထည့်ကြော်ရပါတယ်ရှင်။ ကောက်ညှင်းဆန်ကို ထည့်ပြီးမွှေနေစဉ်မှာပဲ သကြား ၁ဇွန်းလောက် နဲ့ ဆား သင့်ရုံတို့ကို ထည့်ရပါတယ်။ ဆားနဲ့ သကြားထည့်ပြီးရင် ရေကို ကောက်ညှင်းဆန် အုပ်သွားအောင်ထည့်ပြီး အဖုံးဖုံးထားရပါတယ်။ မီးအေးအေးလေးနဲ့ အောက်ဖက်က မကပ်သွားအောင်တော့ သတိထားရပါတယ်။ ကောက်ညှင်းဆန်ဆိုတော့ ခဏဆိုကျက်သွားတာနဲ့ အိုးအဖုံးဖွင့်ပြီး အသင့်လုပ်ထားတဲ့ အုန်းသီး ၊ နဲ့ မြေပဲလေးတွေကိုထည့်ပြီး သစ်သားယောင်းမ နဲ့ နာနာမွှေရပါတယ်။ မွှေနေရင်း နှမ်းလေးလဲ နည်းနည်းထည့်နိုင်ပါတယ်။ အကုန်စုံအောင် ထည့်ပြီးတာနဲ့ ဆက်မွှေနေရတာပါပဲ။ ယောင်းမ ၂ ဖက်သုံးရင်သုံးပါ ၊ ကျမကတော့ ယောင်းမ တစ်ချောင်းနဲ့ တစ်ဖက်က ဒယ်အိုးလက်ကိုင်ရိုးကိုထိမ်းကိုင်ထားပြီး ကိုယ်တိုင်ပဲ မွှေထိုးတာပါ။ သိတ်မခက်ပါဘူးရှင်။ :P
-ဆန်လေးကြေပြီး အနေတော်အနေအထားလေးရသွားပြီဆိုရင်တော့ ၊ ထမင်းနဲ သုံးဆောင်လို့ရသွားပါပြီရှင်။
ဒီနည်းလေးကတော့ မကြာခဏ ချက်စားဖြစ်တဲ့ ကျမရဲ့ ထမင်းနဲထိုးနည်းလေးပါနော်။ သူများတွေ လုပ်နည်းနဲ့ တူ ၊မတူတော့ မသိဘူး။ မြန်မာပြည်မှာတုန်းက ယောက္ခမမေမေဆီကသင်ထားတာပါရှင်။ မြေပဲ ၊ အုန်းသီး ၊ သကြား ၊ဆား ၊နှမ်း တွေကိုတော့ ကိုယ်ကြိုက်သလိုသာ များများစားချင်ရင် များများ နဲ့ အုန်းနို့ နည်းနည်းပဲစားချင်ရင် နည်းနည်းပဲ အဆင်ပြေသလိုထည့်နိုင်ပါတယ်ရှင်။ ကျမက ထမင်းနဲဆိုရင် ချိုချိုလေးကြိုက်တတ်လို့ ၊ သကြားလေးကို ပိုထည့်တတ်ပါတယ်။ ဂျင်း ကို များများထည့်ကြော်ရင်တော့ ထမင်းနဲအနံ့ပိုမွှေးပါတယ်ရှင်။
ဒါနဲ့ပဲ..ဒါနဲ့ပဲ.. အရင်တုန်းက အကြောင်းလေးကို သတိရမိသွားပြန်ပါပြီ။ :P ပြောပြဦးမယ်နော်။ :D
မောင်နဲ့ ကျမ ချစ်သူတွေ မဖြစ်ခင်က ကျမက လှည်းတန်းမှာနေတယ် ၊ မောင်က လမ်းမတော် ဆေးကျောင်းဆောင်မှာနေတယ်လေ။ အဲဒါ မောင်တို့အဆောင်မှာ နယူးရီးယားညမှာ ထမင်းနဲထိုးပြိုင်ပွဲလုပ်တာလေ ၊ ကောင်းလွန်းလို့ ကျမကိုစားစေချင်လွန်းလို့တဲ့ ည၁၂နာရီ ကျော်နေပြီ ၊ လိုင်းကားတွေကလဲ မရှိတော့ဘူး ၊ နယူးရီးယားညဆိုတော့ ကျမတို့ကို တီဗီအစီအစဉ်တွေ ကြည့်နေမယ်ထင်ပြီး မောင်က သူငယ်ချင်းတစ်ယောက်ကိုခေါ်ပြီး အဆောင်မှာရှိတဲ့ စက်ဘီးနဲ့ ကျမရှိရာ လှည်းတန်းကို ထမင်းနဲထုတ်လာပို့ခဲ့ပါတယ်။ တလမ်းလုံး ကုန်းတက်တွေ ၊ ကုန်းဆင်းတွေနဲ့ စက်ဘီးတစ်စင်းကို သူငယ်ချင်းနှစ်ယောက် စီးပြီးရောက်လာကြတာလေ။ ချွှေးတွေကို ရွှဲနေကြတာပဲတဲ့။ လှည်းတန်းလဲရောက်ရော အိမ်ရှေ့ကနေအော်တာ ဘယ်သူမှ မကြားကြတာနဲ့ ထမင်းနဲထုတ်လေးကို အိမ်ပေါက်ဝမှာ ချိတ်သွားခဲ့တာလေ။ဘယ်ကြားမလဲနော် ကျမတို့ညီအစ်မတွေကဖြင့် အိပ်ပျော်နေကြပြီလေ။:P မနက်ကျမတို့ အိပ်ရာနိုးတော့ ဘာထုတ်ပါလိမ့်လို့ ကြည့်တော့ ထမင်းနဲထုတ်ဖြစ်နေတယ်။ ဘယ်သူပို့သွားတာမှန်းလဲ မသိဘူးရယ်လေ။ မောင်တို့ အဆောင်မှာ ထမင်းနဲထိုးပြိုင်ပွဲ ရှိတယ်ဆိုတာကိုတော့ သိတယ်။ ညီအစ်မတွေ ဘယ်သူပို့မှန်းလဲ မသိဘူး ၊ စားလိုက်ကြတာ ကောင်းမှကောင်းလွန်းတဲ့ ထမင်းနဲ ချိုချိုလေးလေ။ :D
နောက်မှ မနက်ပိုင်းမှာပဲ မောင်ရောက်လာမှ ညတုန်းက ထမင်းနဲလာပို့တာ ၊ အော်ခေါ်တာမကြားလို့ တံခါးမှာ ချိတ်သွားခဲ့တာတဲ့။ ( ၁၀၀ မှတ်) ဟဟ.. ကျမက အမှတ်ပြည့်ပေးလိုက်တာနော်.. အဲ့လိုလေးတွေ အလိုက်သိတတ်လွန်းတော့ ကျမက ၃ လမကြာပါဘူး။ ပြန်အဖြေပေးလိုက်ရတာပေါ့ ။ အဟေးးးး :P
ပျော်ရွှင်ချမ်းမြေ့ကြပါစေရှင်။
အားလုံးကိုလေးစားခင်မင် ကျေးဇူးတင်လျှက်
ဝါ၀ါခိုင်မင်း
Discuss Add this link to... Bury
This site is a collection of Myanmar News and Blogs from Myanmar Society.
Comments